藝術館有國之重寶睇, 尋日十一點就去到藝術館攞籌, 五點睇清明上河圖

五點準時返去, 入到去見唔到幅畫, 只見好長的人...............龍

原來攞咗籌只係確認俾個位你排隊

 

人龍前行得好慢, 極緩慢地跟著人龍轉一個圈, 等下又行到另一邊, 都未見到虹橋

罰企咗四十五分鐘, 原來只去到一半, 有兩個男人按捺不住先後指責職員安排失誤

人地只係個執行小職員, 制度問題都唔係佢地諗出黎, 咁多人前白白俾佢地鬧左十五分鐘有多,

職員又出奇有耐性回答, 係我就答句多謝意見就走

 

行行下有幾張鋁櫈可給有需要的人坐下, 老人家同小朋友可以邊排隊步邊坐

因為係手快有手慢無, 得幾個人可以唔使罰企, 人龍中有兩個手腳極敏捷的自私男人一個箭步就霸到張櫈坐

 

一號自私精的老婆同兩個仔女都無坐,只有佢坐, 仲有好多上年紀的先生太太無得坐, 佢都無理會過人

剛剛轉到我附近時, 我唔細聲同平仔講佢好自私之類, 希望佢知道自己有幾羞恥, 我唔識佢, 但每次講起厚顏無恥的人我都會諗起佢

 

罰企左個半鐘, 終於有五分鐘機會睇幅名畫, 畫得好仔細, 職員話今次展完要密封休息六十年, 雖然排咗個半鐘, 雖然我都唔知著咗三吋高跟鞋罰企個半鐘心裡都好有微言, 但都值得