星期日同事結婚, 今日下晏趁有2個鐘空檔去整頭髮.....

我一邊整一邊講電話傾急事, 一個接一個, 傾完嚇一跳

佢幫我整左啡橙色的曲髮+碎留海, 完全係楊承琳個隻CUTIE髮型, 嚇親, 後生十年我都唔會接受, 實在太太太可愛........ 好嬲, 走時忍唔住勁黑面, 實俾人笑死

今日好黑仔...........

尋晚攪錯鬧鐘, 遲左一個鐘先起身, 真係不可思議, 唯有好面懞咁打去扮病話唔到

出門之後遇正黑雨, 大雨得好恐怖, 個天係夜晚11點咁黑, 雨係倒落黎咁大, 成個人濕晒

收工後沿行人路行落山, 邊行邊覆電話,一手袋, 書同遮, 只有用個頭夾住個電話, 點知突然有架大車經過, 濺起路邊的超污濁的泥水, 我黎唔切反應, 好似沖涼咁由頭淋到落腳, 我講緊電話, 個口開左仲飲左啖泥水, 頭髮濕到滴水, 勁嬲