返到屋企好口乾, 諗住倒杯水飲

我一隻手羅起隻杯, 另一隻手倒水, 點解有野搭住我隻手指既????

我望一望, 一半灰色一半粉紅色的野, 原來係隻鹽蛇手, 佢隻綠豆咁大的眼仲要望住我

嚇到我半死, 我要尖叫30秒先平伏到心情

佢個灰身粉紅肚的配搭真係好肉酸好恐怖好討厭

 

今日約左好朋友去置地hightea, 無謝賢, 無狄波拉, 無十姑娘, 好冷清

個tea set份量好少, 好似食左陣風落肚咁毫無飽意, 我寧願企街食泰昌d沙翁

 

天主, 可唔可以唔好俾咁多考驗我, 行左咁耐. 有時我會想停落黎抖下

 

睇返日記, 先發覺自己已經持續爛面個幾月, 一路食住中葯都無乜起色, 塊面仍然徘徊於超爛同爛之間, 夠啦!我都係去睇專科, 求醫生俾D最勁的葯我

太多野同一時間發生, 要做要諗

唔知下一步會點?

唔知有咩變數?

唔知我得唔得呢????